C:\Documents and Settings\Tryggvi\My Documents\GHJ\Sauna.htm

Það eru heldur betur stórfréttirnar frá Japan. Systir mín var að eignast tvær stelpur, já tvíbura báðar 10 merkur. Þær komu 3 vikum fyrir tíman en stelpurnar eru stálhraustar og gullfallegar (eins og sjá má á meðfylgjandi myndum). Þær heita Sóley Anna og Ellen Þóra.

Þvílíkt heitt hérna í Gautaborg og búið að vera undanfarið. Við erum bæði búin í prófum (ég kláraði á föstud. og Tryggvi á miðvikudaginn) og nú er bara afslöppun í gangi.
Hitastigið í íbúðinni er komið í 29°C og við vorum að borða heitan hafragraut!! Það var nánast ógerlegt og við bæði búin að rífa af okkur flestar spjarir til að reyna að klára verkefnið... hehe...
Annars er búið að vera nóg að gera hjá okkur og frá ýmsu að segja... en bloggletin hins vegar búin að vera að drepa okkur... Ég set bráðum inn myndir frá síðasta mánuði og segi frá því helsta sem hefur gerst.
Annars komum við svo til Íslands á miðvikudaginn næsta og ég hlakka ýkt til að hitta alla.
Take care,
Guðrún Helga

Þrátt fyrir dramatískan útreiðartúr sem endaði svona:


þá var samt ferðin í heild sinni algjör snilld.

Hér fyrir neðan er húsið þar sem við vorum vestan við Balatonvatn, við vorum í risíbúðinni með stóru stóru svölunum. Amma og afi Bryndísar eiga þessa íbúð ásamt litlu húsi með vínekru í næsta hverfi. Ekki slæmur díll það...

Ferðin var fullkomin blanda af túrisma og afslöppun. Á kvöldin var spilaður póker, drukkið vín, lesið og spjallað. Sigur minn í súkkulaði-smökkunar-keppninni stendur upp úr:


Hér koma svo nokkrar frá túrismanum við Balatonvatn:





Síðustu helgina skruppum við svo til Búdapestar sem er æðisleg borg, svakalega falleg og rómó:












 
Úúú... síðasta myndir er frá siglingu sem við fórum um Dóná, sjúklega rómantísk ferð... manni æjaði og klæjaði bara í miðjuna af þessari seyðandi stemningu... (úff fór ég yfir strikið?? )



Over and out í bili
P.S. Setjum svo fljótlega inn fleiri myndir frá ferðinni
P.P.S. Blogga líka bráðlega um Þrándheimar ferð mína í skólanum, en hún var mjög fín
P.P.P.S. Foreldrar Tryggva og litli bróðir koma um helgina. Það verður snilld. Við erum búin að gera strangt plan fyrir okkur, nóg að gera hér í borginni Svo þurfum við bara að líta í Jysk (rúmfatalagerinn) og kaupa vindsæng og fleira...

Við lentum heldur betur í því hérna í Ungverjalandi þegar við ákváðum að skella okkur í útreiðartúr. Ungverkskir hestar eru nefnilega skaðræðisskepnur eins og við fengum að kynnast. Ég, Guðrún Helga, Bryndís og Jón fórum sem sagt á hestaleigu og leigðum okkar 4 hesta. Okkur var sagt að við ættum að byrja á lokaðri reiðbraut svo þau gætu metið það hversu örugg við værum á baki. Við leggjum svo í hann með tveim ungverskum stúlkum sem ekki töluðu annað en ungversku. Þær leiða okkur hinsvegar beint fram hjá brautinni yfir umferðargötuna (með talsverðri umferð) og út á tún.

Ég tók strax eftir því að ég réði eiginlega ekki neitt við hestinn, hann beit bara gras þegar hann vildi og var bara með leiðindi, ég vonaði bara að hann elti rassinn á næsta hesti. Hestarnir voru mjög órólegir og kvikir þ.a. þetta  varð frekar tens. Allt gengur tiltörlega vel fyrir sig þangað til einn hestanna kippist aðeins til og hneggjar og áður en við vitum af erum við 3 (ég, Guðrún Helga og Bryndís) komin á harðasprett og hestarnir farnir í kapp. Mesti hraði sem keppnishestur nær er 90 km/klst, var kannski ekki alveg svona hratt hjá okkur en samt frekar mikið. Ég var aftastur og reyni að toga í tauminn til að stoppa en ekkert virðist virka. Ég sé útundan mér að við erum að nálgast brú yfir skurð og eftir það virtist vera óþægilegra landslag. Ég tek því þá ákvörðun að kast mér að baki og vona að ég festist ekki í ístaðinu. Ég lendi á túninu og tek nokkrar byltur á grasinu en landi annars vel. Bryndís gerir það sama en hún Guðrún Helga var hinsvegar mesta hetjan en hún hélt sér fast næsta kílómeterinn þar sem hún datt af baki.

Upp á spítala voru teknar röntgenmyndir af höfðinu og öklanum hennar Bryndísar. Fóturinn á henni var orðinn tvöfaldur. Við redduðum eitthverjum lyfjum og hækjum út í apóteki. Ég slapp ómeiddur en Guðrún Helga gat varla labbað eða hreyft hægri hendina næstu sex dagana vegna harðsperra, greyið stelpan.

Hestarnir fundust síðan eitthvað seinna og höfðu hlaupið 8 km.

Já það er ljúft að vera stúdent í Svíþjóð... mega löng frí alltaf!  Kláraði seinna prófið mitt í gær og er komin í ljúft ljúft páskafrí. Prófið í gær var heimapróf og ég sat hér sveitt í 8 klst og stóð varla upp... úfff púff... fínt að það sé búið

Í dag og á morgun eru bara rólegheit. Í kvöld verðu reyndar partý í Frölunda (6 Íslendingar sem leigja saman íbúð þar) og fengið sér einn öl eða tvo... Steinþór er svo að stinga af til Íslands á morgun (varanlega) þannig að maður verður að kasta kveðju á manninn.

En varðandi augnvírusinn góða þá er ég algjörlega búin að jafna mig... Má reyndar ekki nota linsur alveg strax en það kemur bráðum. Ég fór í tékk til læknis í síðustu viku... og það var frekar athyglisvert. Kannski ég fái álit hjá einhverjum lækninema eða hjúkrunarfræðinema sem lesi þetta?

Þessi læknir var eiturhress maður frá Íran sem talaði sænsku með skemmtilegum hreim. Þessi læknir var GJÖRSAMLEGA ósammála hinum TVEIMUR læknunum sem ég hitti fyrst!! Og ekkert smá ákveðinn í sinni sök! Þetta var frekar kómískt. Samtals tveir læknar búnir að rissa á blað fyrir mig augun mín og rauða bletti sem voru í þeim. Fyrri tveir læknarnir sögðu sem sagt að þetta væri POTTÞÉTT vírus, já svona lítur vírus út!!. Þriðji og síðasti læknirinn sagði að þetta væri POTÞÉTT EKKI vírus... og lét mig kaupa þriðju tegundina af augndropum (já ég er komin upp í afláttarkort í apótekum hérna því ég eyddi svo miklu í læknaheimsóknir og lyf... hehe).
Þessi læknir hafði tvær kenningar um augnvandamál mín:
1) Of mikil linsunotkun.
- Ok, eftirá hugsaði ég: Hm...  en ég er búin að nota linsur ýkt mikið í nokkur ár og hverjar eru líkurnar á að ég fái rauða doppur og þurrkt í bæði augun á sama tíma?? Að mínu mati stjarnfræðilega litlar líkur...
2) Að kvefið sem ég var með hefði borist í augun. Þ.e. að ég hefði borið einhver leiðindi með puttunum í augun mín frá kvefinu sem ég var með.
 - Ok, en ef svo er... Hvað var þá í augunum? Ég meina kvef er allaega vírus... þ.a. væri ég þá ekki með vírus í augunum? Samt var læknirinn sannfærður um að ég var ekki með vírus... Hm... held að hann hafi bara talað í hringi.

Niðurstaða 1: Síðasti læknirinn keypti læknisréttindin sín á tillboði á Ebay .... og ég ákvað að halda áfram á lyfjunum sem fyrri tveir læknarnir létu mig fá...
Niðurstaða 2: Ég er komin með 6 í mínust !!!!!!!!! Úfff...ég var síðast mæld fyrir einu og hálfu ári og var þá í -5 (þannig að gleraugun og linsurnar mínar eru orðnar alltof daufar). Ohhh... mig langar svo mikið í lazer og hætta þessu rugli.... Einn daginn...


Annars er bara hápunkturinn framundan: Ungverjaland!!! Can't wait !!
Svo er fullt af liði í fjölskyldunni minni (ca. 20 manns) að fara til Þýskalands í sumar og ég er að reyna að ákveða hvort ég eigi að skella mér með.. Það væri sjúklega skemmtilegt allavega..

Well, þvottatíminn bíður Tryggvi er í síðasta prófinu sínu... allt að gerast

Greyið hún Guðrún Helga á ekki sjö dagana sæla um þessar mundir. Hún náði sér í eitthvern augnvírus fyrir um þrem dögum síðan sem lýsir sér í stöðugum verkjum og þreytu í augunum. Hún fór til augnlæknis núna í dag eftir að hafa setið andvaka hálfa seinustu nótt.

Núna situr þessi elska fram í stofu með sólgleraugu, hlustar á sænska hljóðbók og japplar á Haribo nammi. Já sumir dagar eru betri en aðrir...

Hehehe... Siggi vinur okkar hérna í Gautaborg átti afmæli um daginn. Steinþór snillingur sendi honum eftirfarandi afmæliskveðju sem var einmitt birt í fréttablaðinu hérna í dag!!!



Flottastur!!! Þessi var einmitt tekin á "mustache-tímabili" drengjanna hérna fyrr í vetur

Úú... Loksins eitthvað að gerast Undanfarið hefur verið frekar rólegt hjá okkur. Það sem helst hefur verið brallað er: lærdómur, Íslendingahittingar, afmæli, ræktin og þar fram eftir götunum.
En loksins er eitthvað spennandi að gerast og tillhlökkunarefnin að hrannast upp

Ungverjaland um páskana
Við Tryggvi ætlum með Bryndísi og Jóni (Bryndís og Tryggvi eru systkynabörn) til Ungverjalands um páskana!!!! Þvílíka snilldin... og mig hlakkar svakalega til. Afi Bryndísar á eitt stykki hús/íbúð og land með vínekrum við Balaton vatn í Ungverjalandi. Ekki slæmur díll það!!! Þangað er stefnan sem sagt tekin í 2 vikur í páskafríinu. Við förum fyrst til Kaupmannahafnar og gistum þar eina nótt hjá Bryndísi og Jóni. Svo verðum flugið tekið til Budapest og þaðan með lest á áfangastað.

Heimsók frá Hafnarfirði
Jebb, foreldrar Tryggva og litli bróðir hans ætla að koma í heimsókn til okkar yfir eina helgi í apríl   Ohhh... ég hlakka þvílíkt til að hitta þau Það verður gaman að sýna þeim íbúðina, borgina og þannig setja þau pínu inni í heim okkar hér í Svíþjóð

Brúðkaup í júlí
Guðlaugur og Eygló eru að fara að gifta sig í sumar !!! (Guðlaugur er næst elsti bróðir minn)    Ohh... þau eru svo æðisleg saman... Held að þau séu ótrúlega hamingjusöm.

Ég er svoooooo ánægð að Guðlaugur hitti svona æðislega stelpu!!! Hann á það svo sannarlega skilið.

Annars er ég bara rosa hress og vona að þið þarna úti hafið það jafn gott og ég Endilega segið hæ í "komments" svo ég viti hver er að fylgjast með okkur...

hehe... þessi á framtíðina fyrir sér :

 

http://www.kvikmynd.is/video.asp?id=3178

 

Tryggvi og Guðrún Helga eru bara á bleiku skýi þessa dagana

Við fórum nýverið í svokallað hamingjuátak ef svo má að orði komast

Það hefur líka virkað svona glimrandi vel. Í þessu ”átaki” felst meðal annars meiri samvera, nánd og hressleiki.

Flestir þekkja að sjálfsögðu eftirfarandi jöfnu:

2 x verkfræðingur = leiðindi af guðsnáð

Þ.a. við þurfum alveg að hafa fyrir því að drepa ekki hvort annað úr leiðindum. Tökum sem dæmi hefðbundnar samræður á Oxdragargötu 4C:

­ Tryggvi: Hæ hæ elskan! Hvernig var dagurinn?

­ GH: Hæ hæ! Bara fínn en þinn?

­ TI: Bara ágætur takk.

­ GH: Ég borðaði hádegismat með Lenu og Jacqline, sem var fínt. Svo fór ég í verkefnavinnu með Antoni og herra Hans. Við vorum í smá vandræðum með A-viktun á Lp hljóði sem við tókum upp af bíl fyrir utan skólan. Já, Matlab-ið eða micinn var annað hvort í rugli, þ.a. hljóð þrýstingurinn plottaðist ekki réttur sem fall af tíðni og þetta var allt saman stór skrýtið.

­ TI: Já, undarlegt mál. Má ég kíkja á grafið?

­ GH: Já, að sjálfsögðu.. hérna er þetta...

­ ... og svo skoðar TI og kommentar helling um eðlisfræði hljóðbylgja..zzz

­ TI: Nú ert þú að verða svo mikill sérfræðingur í hljóðfræði, ég hef verið að velta fyrir mér hvernig maður yfirfæri hljóðþrýsting á Pa yfir í vinnu, þ.e.a.s. sem Wött. Er yfirfærslan fall að tíðni, í Hz, eða ekki?

­ zzzzz..... o.s.frv.

Þið ættum núna að vera búin að gera ykkur grein fyrir vandamálinu. Sem sagt 2 verkfræðingar geta verið
”fuck_ _ _ boring" saman komnir.

Til að komast úr þessum gír:

 

yfir í þennan:

 

 

tókum við uppá hressleikaátakinu. Og já... viti menn ég held við eigum okkur smá von... erum strax orðin pínu skemmtilegra fólk

Annars fórum við á djammið bæði síðustu helgi og svo núna á föstudaginn og í bæði skiptin hrikalega gaman Núna um helgina voru Elvar og Óskar í heimsókn í Gautaborg, þ.a. við skelltum okkur ásamt fleiri Íslendingum á AfterWork á föstudaginn og bara mega stuð (After Work = frír matur á skemmtistöðum borgarinnar alla föstudaga og áfengi einnig á tilboði)
Svo er ég byrjuð í hlaupagrúppinni hérna (Tryggvi búinn að vera í henni í vetur) sem er algjör snilld. Við hlaupum rúma 6 km og svo er farið í gufu og oft borðað saman eftir á. Crazy nice I must say!!
Svo er skólinn algjörlega umfram væntingar hjá mér!! Báðir kúrsarnir ótrúlega fínir (ég bjóst við hinu versta af fyrri reynslu) og ég bara hrikalega sátt. Annars kúrsinn er á sænsku og ég er að skila af mér skýrslu á morgun á sænsku Úje... þetta getur maður.

Hehe... við í fjölskyldunni fjölmenntum í Ártúnsbrekku 2. í jólum !! Sólveig frænka setti myndir frá því á netið, sjá hér.

Lágmark 13 ár síðan ég fór síðast á rassaþotu og önnur farartæki í þeim stíl  Við vorum með nokkur börn með okkur til að afsaka okkur 

 

 

Gleðilegt ár öll sömul og takk fyrir það gamla!!!

 

Íslandsförin

Við skötuhjúin vorum á Íslandi yfir jólin og áramótin og skemmtum okkur konunglega. Hér má sjá myndir frá fjölskylduboðum, vinkonuhittingum og fleiru. Hér eru svo myndir úr “Wild Wild West Party” hjá Auði og Binna sem var í lok desember. Takk fyrir mig Auður, þetta var algjör snilld!!

 

 

Nokkrar vinkonur mínar úr grunnskóla eru svo búnar að ákveða að koma í heimsókn til mín í apríl eða maí !!! Það verður ekker smá gaman. Hlakka til að sjá ykkur girls!!

Já og einar fréttir meðan ég man: Við erum búin að ákveða að vinna á Íslandi næsta sumar!! Ohh... það verður ljúft að vera bara á klakanum og þurfa ekkert að höndla tungumálaörðugleika og svoleiðis... Verð að taka nokkrar íslenskar útileigur og jeppaferð líka ef e-r býður mér (blikk blikk Guðlaugur).

 

Klifrað á Spáni

Við lentum á laugardagskvöldi á Spáni, sóttum Ford Fiasco á JetCar og brunuðum til Cornadella de Montsant (ca. 3 klst. akstur). Þar hittum við á hópinn í íbúð sem þau höfðu leigt út. Flestir í hópnum voru búnir að vera yfir jól og áramót þar!!! Jebb crazy lið að velja niðurstoðna sveppi í fjöllum Spánar þegar dýrindis steikur með fjölskyldunni á Íslandi eru í boði!! Stemningin var annars fín á staðnum og fólk búið að klifra talsvert. Frá íbúðinni var ca. korters akstur að Siuruna klifursvæðinu. Siurana er mjög flott svæði og vinsælt af professional klifrurum.

Því miður eru flestar leiðirnar þó mjög erfiðar og ekki fyrir leikmenn. Við fundum samt nokkur góð svæði sem okkur líkaði við. Ég verð að viðurkenna að ég var lofthræddari en ég bjóst við og var ekkert að slá nein olympiumet... hm... hm...

Þegar rigndi (og því ekki hægt að klifra) var ýmislegt haft fyrir stafni; farið til borgarinnar Tarragona, tvisvar farið til Barcelona og stundum bara lesið og skrifað. Í fyrri ferð okkar til Barcelona fórum við með Begga og Hauki á fótboltaleik með Barcelona vs. Real Mousse. Og hvað haldiði?? Að sjálfsögðu skoraði okkar maður bara fyrsta markið!!! Eiður Smári flottastur! Lokatölur voru 4-0 fyrir Barcelona. (Er ekki búin að setja inn myndir frá leiknum en fæ bráðum nokkrar myndir hjá strákunum).

Í seinni ferðinni til Barcelona fórum við Tryggvi bara tvö að túristast. Við byrjuðum á Gaudi garðinum, fórum svo á Olympiu svæðið, svo á sýninguna “Bodies” og að lokum röltum við í gömlu hverfum miðbæjarins og borðuðum svo á Römblunni (aðalgatan í bænum).

Hér má sjá myndir úr ferðinni.

Gærdagurinn fór í flug og lestarferð, engin brjáluð skemmtun en gekk engu að síður fínt. Það var æði að vera á Íslandi og hitta ykkur öll, frábært frábært Íslendingar eru alltaf skemmtilegasta fólkið á djamminu, það verður bara að segjast eins og er

Svo stefnum við á Spán í kvöld Við erum búin að panta bílaleigubíl sem við ætlum að hafa allan tíman Kostar 11.000 kr að hafa bílinn í 12 daga, ótakmarkaður akstur !! Algjör snilld! Og svo er bensínverðið á Spáni það lægsta í allri Evrópu, aðeins 70 kr/l !!! Við erum svo með gistingu í litlu fjallaþorpi... Þetta verður örugglega æðislegt!

Lofa að koma með ferðasögu og myndir að ævintýrinu loknu

(Já og set svo líka inn myndir frá Íslandferðinni þegar við komum aftur til Svíþjóðar, því miður verð ég samt að ritskoða flest íslensku albúmin, hm... hm...)

 

Jebb, nú eru tæpar 2 vikur í Íslandsför okkar skötuhjúa Það verður nice nice að hitta alla og slappa af í jólafíi. Við stoppum í eina og hálfa viku (frá 23.des - 4. jan) og svo verður haldið til Spánar að klifra. Úje...

Verst að í millitíðinni er eitt stk. prófatörn   Hm... not so much fun...

Núna er prófalesturinn að byrja og bókasafnið áfangastaður morgundagsins....

 Later later...